27 июня 2008 г.
Чăваш Енре çурт-йĕрпе çул-йĕр строительствин калăпăшĕ ÿссе пынă май, республика территорине юнашар регионсемпе çывăхри-инçетри ют çĕр-шывсенчен тракторсемпе вĕсен прицепĕсене, хăй тĕллĕн куçса çÿрекен çул-йĕрпе строительство тата ытти машинăсене ытларах кÿрсе килме пуçларĕç. Патшалăх технадзорĕн инженер-инспекторĕсем ирттернĕ тĕрĕслевсен кăтартăвĕсем çав техникăсен хуçисем техникăпа усă курнă чух Раççей Федерацийĕн нормăпа право акчĕсем ыйтнисене хăш-пĕр чухне пăхăнманнине çирĕплетеççĕ. Çавна тĕпе хурса, техникăна çÿретнĕ чух çул-йĕр хăрушсăрлăхĕ туса хурас, ĕç сыхлавĕпе тăван тавралăха хÿтĕлес, çавăн пекех техникăна регистрацилемелли йĕркене пăхăнас, ăна патшалăхăн техника тĕрĕслевĕ витĕр кăларса допуск парассине лайăхлатас тесе ,Чăваш Республикин хăй тĕллĕн çÿрекен тата ытти тĕрлĕ тĕслĕ машинăсене тĕрĕслесе тăракан патшалăх инспекцийĕ Чăваш Енре июнĕн 25-мĕшĕнчен пуçласа июлĕн 2-мĕшĕччен “Стройка” асăрхаттару операцийĕ ирттересси çинчен пĕлтернĕ.
Ку тапхăрта вырăнсенчи стоительство обăекчĕсенче ятарлă рейдсем иртеççĕ.