11 июня 2008 г.
Çĕртме уйăхĕн 15-мĕшĕ — Çимĕк кунĕ. Христос чĕрĕлсен çичĕ эрне хыççăн е аллăмĕш кунĕнче Çимĕк (Троица) çитет.
Çак кун Христоса ĕненекенсем Эмон тăвĕ çинчен таврăннă, пĕр çĕре пухăннă, кĕлĕ тунă. Çав вăхăтра пĕлĕт çинчен сасартăк кĕрлекен сасă илтĕннĕ. Апостолсем çине таса сывлăш аннă, çын пек пулса ют чĕлхесемпе Турра мухтанă. Çавăн хыççăн Иерусалима тĕрлĕ енчен халăх нумай пуçтарăннă. Петр апостол çÿллĕ вырăна улăхса тăнă та пухăннă халăха çылăхсене каçармашкăн Христос ячĕпе тĕне кĕме чĕннĕ.
Чăвашсемшĕн те Çимĕк пысăк уявсенчен пĕри шутланать. Çимĕк ыран тенĕ чух ваттисене асăннă, масар çине кайнă, “чăн çĕре кайса канăçлăх тупнисене” асăнса апат-çимĕç çинĕ.
Çимĕкре ир-ирех мунча хутнă, “çитмĕл те çичĕ тĕслĕ курăк шывĕпе çăвăннă, милĕкпе çапăннă”, тасалнă. Ялсенче чÿречесене йывăç турачĕсемпе илемлетнĕ.