11 июня 2008 г.
— Э. Хайбуллин (Кĕçĕн Шетмĕ) çăмăл атлетика енĕпе ăмăртса Атăл çи федераллă округĕнче мала тухассишĕн пынă ăмăртура спорт мастерĕн нормативне пурнăçланă. 10 километра вăл 40 минут та 50 çеккунтра утса тухнă, юниорсен хушшинче 1-мĕш вырăн йышăнса, Чăваш Ен командине 50 очко пухса панă.
— Асăннă ăмăртурах Н. Николаев (Туçи Чуракасси), 10 километра 44 минут та 55 çеккунтра вĕçлесе, çамрăксем хушшинче иккĕмĕш призер пулса тăнă.
— О. Хайбуллина (Кĕçĕн Шетмĕ) вара 3000 метра чупассипе палăрнă. Унăн вăхăчĕ — 10 минут та 20 çеккунт.
— Çăмăл атлетика енĕпе тупăшса республикăра мала тухассишĕн пынă ăмăртура Н. Николаев (Туçи Чуракасси) 10 километра хăвăрт утассипе хăй ÿсĕмĕнчисем хушшинче 3-мĕш вăхăт кăтартнă.
— Е. Илларионова (Янкас) 400 метра 1 минут та 00,02 çеккунтра вĕçлесе, мала тухнă.
— Л. Кузьмина (Яманак) 1500 метрлă дистанцире 3-мĕш пулнă.
— О. Хайбуллина (Кĕçĕн Шетмĕ) 3000 метра чупассипе палăрнă.
— Пирĕн район команди ку ăмăртура 9-мĕш вырăн йышăннă.
— А. Тихонов (Крентейкасси) кире пуканĕ çĕклессипе спорт мастерĕн нормативне пурнăçланă.