11 июня 2008 г.
Красноармейски сали кунран-кун ешерет, аталанать. Савăнтарать ку питех те. Анчах илеме хисеплеме пĕлместпĕр эпир. Çын ĕçне ним вырăнне те хумастпăр пулас. Картасене, йывăçсене хуçни кăна мар, халь çеç хурса тухнă çул хĕрринчи тăпрана выльăх-чĕрлĕхе таптаттаратпăр, ача-пăча та кунта иртĕхет. Акă, 2-мĕш вăтам шкултан тухнă виçĕ вĕренекен ялĕ еннелле таплаттараççĕ. Пĕри тăпра çийĕн утать. “Ачам, çулпа утсам, унта ятарласа кăпкалатнă” сăмах çине виççĕшĕ те кăмăлсăррăн хуравларĕç, сивĕ куçĕсемпе каялла пăхса. Выльăхсем те лаплаттарса утса пынă чечек вырăнĕсенче. Шел питех те, чун ыратать çав тери. Паянхи куна чечексем лартăнчĕç аслă çул тăрăх. Хуларинчен кая пулмĕ салара та. Анчах упраса хă-варăпăр-ши ку илеме эпир чунсем чул пек пулсан? Тĕрĕслесе тăракан кирлĕ мар-и?