11 июня 2008 г.
Танăш ялĕ — пысăках мар. Çырма-çатраллă вырăнта ларать. Пĕвесем те пур. Пăхсах тăмасан, паллах, юхăнаççĕ вĕсем. Ял варринчине те, ав, çак шăпах пÿрнĕ. Анчах “Пĕччен сурать, типсех пырать, халăх сурать, кÿлĕ пулать” тенине асрах тытма тăрăшаççĕ танăшсем. Çак кунсенче çеç-ха вĕсем Л. Николаева депутат-бригадирпа В. Гаврилов çине тăнипе пĕве пуçне нимелле тăпра тăкса юсарĕç.
2. Кусем вара яла илем кÿмеççĕ
Пĕтĕмĕшле илсен, танăшсем типтерлĕ пулсан та, хăшĕ-пĕри килте пухăннă çÿп-çапа çырма пуçне тухса тăкма та именмест-ха. Е тата урамрах трактор прицепĕсем юхăнса ларни кама чыс-сум кÿтĕр-ха. Ял çумĕнче кивĕ шыв башни темиçе çул выртни те çаплах.