06 июня 2008 г.
Çу уйăхĕн 28-мĕшĕнче район территорийĕнче умлă-хыçлăн икĕ пушар алхасрĕ. Пĕри — Мăн Шетмĕ, тепри — Еншик Чуллă ял тăрăхĕсенче. Малтанхин сăлтавне палăртман-ха, халĕ следстви пырать. Еншик Чуллăра вара пуçламăш класра вĕренекенсем сарайĕнче зажигалкăпа вылянипе вут-кăвар тухнă. Пушарнăйсем вăхăтра çитнине пула çеç пурăнмалли çурта сыхласа хăварнă, сарайран кĕл кăна юлнă.
Çуллахи каникул кунĕсем çитнĕ май, ашшĕ-амăшне çапла асăрхаттарасшăн:
— пĕчĕк ачасене пĕччен ан хăварăр;
— шăрпăкпа, зажигалкăпа выляма юраманнине каласа ăнлантарăр;
— мунчан, лаçăн çунакан кăмакисене пăхса тăма ан шанăр;
— электричествăпа ĕçлекен приборсемпе усă курма ирĕк ан парăр.