06 июня 2008 г.
Зоя Егорова, унăн ывăлĕпе кинĕ, Олегпа Людмила, мăнукĕсем — Тольăпа Катя — пысăк та илемлĕ çуртра пурăнаççĕ.
Ку çурт-йĕре лартма вуншар пин кирпĕч, керамзит блокĕсем, вуншар кубометр йывăç тата ытти стройматериалсем питĕ нумай кирлĕ пулнă. Кунта патшалăхăн пулăшăвĕ те пур. Кĕçĕн Шетмĕ ял администрацийĕн ун чухнехи пуçлăхĕ Николай Семенов тăрăшнипе патшалăх тул енчен хума силикатлă кирпĕч уйăрса панă. Зоя Егорова 73 çулта, пĕчченех тăватă ача пăхса ÿстернĕ, хунямăшĕ пулăшнă-ха ăна. Тăваттăмĕш ачи çураличченех унăн упăшкин пурнăçĕ вăхăтсăр татăлнă. Ачисем пурте маттур, ĕçчен ÿссе çитĕннĕ. Халĕ вĕсем хăйсем те ача-пăчаллă ĕнтĕ. Аслă хĕрĕ, Таня, Кĕçĕн Шетмĕри сĕт-çу ферминче дояркăра, Тоня Шупашкарта ĕçлеççĕ. Оля Тверь облаçĕнче пурăнать, вăл та доярка. Ывăлĕ — Шупашкарти предприятисенчен пĕринче грузчиксен бригадирĕ. Укçа лайăх ĕçлесе илет. Унсăрăн пÿрт мĕнле лартăн-ха. Кинĕ, Людмила, Шупашкарти агрегат заводĕнче ĕçлет.