03 июня 2008 г.
Çу уйăхĕн 26-мĕшĕнче район депутачĕсен тăваттăмĕш суйлаври Пухăвĕн черетсĕр ХХIII ларăвĕ иртрĕ.
Депутатсем çакăн пек кун йĕркине çирĕплетрĕç:
1. Красноармейски районĕн 2020 çулчченхи экономикипе социаллă пурнăç аталанăвĕн стратегийĕ çинчен.
2. Районăн 2008 çулхи бюджетне улшăнусем кĕртесси çинчен.
3. Красноармейски районĕн преступленипе кĕрешмелли 2007—2009 çулсенчи муниципаллă комплекслă программине улшăнусем кĕртесси çинчен.
4. “Красноармейски районĕн 2008—2012 çулсенчи çул-йĕр хăрушсăрлăхне вăй-латасси” районти тĕллевлĕ программăна çирĕплетесси çинчен.
5. “Красноармейски районĕн агропромышленность комплексне аталантарасси тата 2008–2012 çулсенче ял хуçалăх продукцийĕн, чĕр тавар тата апат-çимĕç рынокне йĕркелештересси” районти тĕллевлĕ программăна улшăнусем кĕртесси çинчен.
6. Красноармейски районĕн ревизи комиссийĕн председательне çирĕплетесси çинчен.
7. “Красноармейски районĕн коммуналлă инфратытăмне 2008—2010 çулсенче аталантарасси" комплекслă программăна çирĕплетесси çинчен.
8. Районăн Хисеп хăми çине кĕртесси çинчен.
Кун йĕркинчи пĕрремĕш ыйтупа ларура район администрацийĕн экономика аталанăвĕн пайĕн пуçлăхĕ А. Михайлова, иккĕмĕшпе — финанс пайĕн пуçлăхĕ Р. Николаева, виççĕмĕшпе — юридически пайĕн пуçлăхĕ Л. Артемьев, тăваттăмĕшпе — ял хуçалăх пайĕн тĕп инженерĕ В. Чаховский, пиллĕкмĕшпе — ял хуçалăх пайĕн начальникĕ Ю. Петров, улттăмĕшпе — район депутачĕсен Пухăвĕн председателĕ В. Александров, çиччĕмĕшпе — строительство тата пурăнмалли çурт-йĕрпе коммуналлă хуçалăх секторĕн тĕп специалисчĕ-эксперчĕ В. Тарасова, саккăрмĕшпе район администрацийĕн йĕркелÿпе тĕрĕслев ĕçĕн управленийĕн пуçлăхĕ В. Ю. Иванов тухса каларĕç.
Кун йĕркинчи пĕрремĕш ыйтăва сÿтсе явнă чухне район пуçлăхĕ С. Николаев депутатсене Красноармейскинче кирпĕч завочĕ тăвас ыйтупа инвесторсемпе ĕçлени çинчен пĕлтерчĕ, ял хуçалăхне тата пĕчĕк предпринимательлĕхе аталантарассипе депутатсемпе ял тăрăхĕсен пуçлăхĕсен те инвесторсем шырамаллине каларĕ.
Депутатсем пур ыйтупа та йышăнусем турĕç, районăн ревизи комиссийĕн председателĕ пулма Именкассинчи вăтам шкул директорне Ольга Ивановна АРМАНОВА депутата çирĕплетрĕç.