30 мая 2008 г.
Район пуçлăхĕ С. Николаев “Районти йăлана кĕнĕ Ĕçпе юрă уявне — “Ака туй-2008” праçнике ирттересси çинчен” йышăнăва алă пуснă. Кăçал ăна июнĕн 12-мĕшĕнче, кĕçнерни кун Красноармейски вăрманĕ çывăхĕнчи лаптăкра ирттереççĕ, Раççей кунне, Çемье тата Ырă ĕçсен çулталăкне, хамăр ентеш, чăвашсен мухтавлă композиторĕ Ф. М. Лукин çуралнăранпа 95 çул çитнине халаллаççĕ. Ака туя йĕркелесе ирттерме 14 çынран йĕркелÿ комитечĕ туса хунă, унăн председателĕ — район пуçлăхĕн социаллă ыйтусемпе ĕçлекен çумĕ Н. И. Антонов.
Майăн 26-мĕшĕнче Николай Илларионович ертсе пынипе йĕркелÿ комитечĕн ларăвĕ пулчĕ. Унта уява хатĕрленсе ирттерессипе çы-хăннă ыйтусене пăхса тухрĕç.