23 мая 2008 г.
Районти коммуналлă хуçалăхăн çÿп-çап тăкмалли вырăнĕнче пулса курман-и? Тен, хăшĕ-пĕри, тухса çÿреме ÿркенменни, çитсе курнă пуль çавăнта? Эпĕ пĕлнĕ тăрăх, Красноармейскинче пурăнакан пĕр арçын çÿп-çап полигонĕнчен мăшăр резина атăпа таврăннă. Кăçал тата мăшăр кăçатăллă пулнă.
Кун пирки юптарса юрĕ-ха. Çÿп-çап тăкакан вырăнти будкăна кĕрсе тухăр-ха тата. Сехет ăсти тăрăшать тейĕн çакăнта. Стенасем çине çаврăнса пăхăр-ха. Вунă сехете яхăн пуль шак! шак! тутараççĕ. Сехетсем “юрлаççĕ” тейĕн. Халь сехечĕсем хаклах мар та, унтан-кунтан чăхăмланисене юсаса укçа-тенкĕ тăккалама-и?
Будкăри дежурнăй вара пурлăха ахаль сая ямасть. Пушă вăхăтра юсать те, юсать сехетсене. Район центрĕнче сехетсем юсакан маçтăр çуккишĕн, паллах, савăнмаллипех савăнать ĕнтĕ вăл.