23 мая 2008 г.
Мăн Çавал юхан шывĕ леш енчи Красноармейски ял тăрăхне кĕрекен вăрман уйри кивĕ хытхурана чĕртсе янăран çунма тытăннă.
Çакна Алманч шкулĕнчи Александр Молотков, Владимир Спиридонов, Сергей Кондратьев (8 класс), Эдуард Егоров, Виталий Долгов (7 класс), Сергей Александров, Юрий Иванов, Юрий Васильев (6 класс), Владилен Васильев (4 класс) тата Упи шкулĕнче 9-мĕш класра вĕренекен Крестиан Алексеевпа Алексей Петров вăхăтра асăрханă. Хăраса-пăлханса ÿкмесĕр çулăмпа кĕрешнĕ, пушарнăйсем çитиччен вут-кăвара малалла сарăлма паман.
Йывăр лару-тăрура çухалса кайманшăн вĕсене пушар хуралĕнче ĕçлекенсем тав тăваççĕ, вĕренÿре çитĕнÿсем сунаççĕ.