23 мая 2008 г.
Районти тĕп библиотека коллективĕ, кăçалхи Çемье çулталăкне халалласа, “Манăн çемьен юратнă кĕнеки” ятлă творчествăлла конкурс ирттерчĕ. Унăн тĕллевĕ — çемье вулавĕн ырă йăлисене тăсса пырасси, “Вулав. Кĕнеке” çемье творчествине аталантарасси. Конкурс апрелĕн 1-мĕшĕнчен пуçласа майăн 15-мĕшĕччен пычĕ. Кĕнеке нумай вулакан çемьесем: шкул çулĕнчи тата унта çитмен ачасем, хăйсен ашшĕ-амăшĕсемпе, кукамăшĕсемпе, кукашшĕсемпе, пиччĕшĕсемпе, аппăшĕсемпе, йăмăкĕсемпе, шăллĕсемпе пĕрле материалсем тăратрĕç. Çамрăк çемьесем валли “Çемье килĕшÿлĕхпе илемлĕ” выставка йĕркелерĕмĕр. Информаци центрĕн ĕçченĕсем “Çемье çине тимлĕх уйăратпăр” буклет хатĕрлерĕç.
Пирĕн библиотекăн Васнарти нумай ачаллă Алексеевсен çемйипе çыхăну çирĕп. Пĕтĕм тĕнчери Çемье кунĕ ячĕпе вĕсене ача-пăча кĕнекисем, журналсем, пылак çимĕçсем патăмăр.