23 мая 2008 г.
Манпа час-часах шашкăлла,шахмăтла е картла вылякан партнера эрех ĕçме юратнăшăн, ÿсĕрпе мухтаннăшăн “шеромыжник” хушма ят панă. Пĕррехинче унăн мăшăрĕ хашкаса пычĕ те: “Итле-ха, Сергейч, ман мăшăр ĕçсе ÿсĕрĕлсен, пĕрехмай эпĕ КМС, интеллектуал,шеромыжник тесе мухтанать. Мĕне пĕлтереççĕ-ха ку сăмахсем?” — терĕ.
— КМС — вырăсла сăмахсенчен. Кандидат в мастера спорта тесе кĕскетсе çырни, чăвашла спорт мастерĕн кандидачĕ тенине пĕлтерет. Интеллектуал нумай вĕреннĕ, тем те пĕр пĕлекен çын пулнипе çыхăннă. Ун пеккисем телевизорпа паракан “Хăвăн вăйă”, “Мĕн. Ăçта. Хăçан?”, “Камăн миллионер пулас килет” шоусенче тупăшаççĕ. Вăт, Шеромыжник мĕне ăнлантарнине ниепле те тавçăраймастăп-ха. Чухлатăп, ырă çынах мар… Эпĕ илтнĕ тăрăх, ăна 19-мĕш ĕмĕрте Иван Тургенев çыравçă шухăшласа кăларнă, — тесе ăсатрăм хĕрарăма.