20 мая 2008 г.
Шалти ĕçсен органĕсем граждансенчен вăл е ку преступленисем, тĕрлĕрен инкек-синкекпе аварисем, çынсем çухални çинчен тата обществăлла йĕркеллĕхе пăснă ытти тĕслĕхсемпе çыхăннисене пĕлтернисене, заявленисене йышăнма тивĕçлĕ. Гражданин заявлени панă хыççăн, РФ Уголовнăй Кодексĕн 306-мĕш статйипе преступлени чăннипех те пулнă, эпĕ тĕрĕссине калатăп тесе, саккунпа килĕшÿллĕн явап тытатăп тесе алă пусать. Милици ĕçченĕн заявление гражданинран преступлени хăçан, ăçта пулнине пăхмасăрах йышăнмалла. Енчен те гражданин заявление дежурнăй чаçе çырнă-тăк, ăна регистрациленĕ, тесе, гражданина преступлени чăннипех пулнине çирĕплетекен талон параççĕ.
Саккунпа килĕшÿллĕн, заявлени панă хыççăн виçĕ кун хушшинче е тĕрлĕрен сăлтавсене пула, вунă кун хушшинче, виçĕ йышăну тăваççĕ. Виçĕ йышăну шутне: уголовнăй ĕç пуçарни, преступлени пулман тесе уголовнăй ĕç пуçарманни, преступлени урăх территоринче пулнă пулсан, заявление çав вырăна ярса пани кĕреççĕ. Милици сотрудникĕ заявленипе килĕшÿллĕн, преступлени пулнă е пулман тесе постановлени кăларать. Заявлени хуçи ăна 24 сехет хушшинче прокурор патне илсе çитерме тивĕçлĕ. Инкек тÿсекенĕн заявлени тăрăх епле йышăну кăларнине пĕлме те ирĕк пур.
Енчен те гражданин асăннă постановленипе килĕшмесен кун пирки прокурор е судья патне çăхав çырма пултарать. Гражданинăн преступление уçса палăртас тĕлĕшпе милици ĕçченĕ еплерех ĕçленине хак парса, прокурорпа судья патне çăхав çырма та ирĕк пур. Районти шалти ĕçсен пайĕнче шанăç телефонĕ ĕçлет. Пирĕн пата 2-15-37 тата 2-11-40 номерсемлĕ телефонсемпе шăнкăравлама пулатаратăр.