20 мая 2008 г.
Шупашкарти “Студентсен хули” чарăнăва кашниех пĕлет ĕнтĕ. Кунта И. Н. Ульянов ячĕллĕ Чăваш патшалăх университечĕн вĕренÿ корпусĕсемпе общежитийĕсем вырнаçнă. Унсăр пуçне виçĕ çÿллĕ те хăтлă çурт, юнашарах таса та пысăк стадион, ытарайми хитре чечексем, яшсемпе хĕрсен янăравлă сассисем илĕртеççĕ. Çапла, ку вăл пирĕн Н. В. Никольский ячĕллĕ Шупашкарти педагогика колледжĕ.
Виççĕмĕш çул ĕнтĕ кунта вĕренме çÿретĕп. Эпĕ — пулас воспитатель. Ачасене чăваш чĕлхине хисеплеме, юратма, упрама, тăван ен культурине, чăваш халăх ырă йăла-йĕркисене таса тытса пыма вĕрентекен пулатăп. Эпĕ Еншик Чуллă шкулĕ хыççăн вĕренме килнĕ. Мансăр пуçне кунта манăн ентешсем те пĕлÿ илеççĕ. Вĕсем çаксем: Алексеева А. В. (Кушкă, ÿнер), Аристархова О. А. (Чатукасси, акăлчан чĕлхи учителĕ), Владимирова Л. В. (Красноармейски, воспитатель), Феофанова С. В. (Янкас, воспитатель), Антонова А. В. (Вăрманкас, воспитатель), Антонова М. А. (Янкас, ÿнер), Викторова М. В. (Çавалçырма, музыка учителĕ), Гаврилова А. В. (Красноармейски, информатика учителĕ), Данилова И. В. (Кивĕ Иĕкĕт, социаллă педагог), Николаева А. В. (Красноармейски, воспитатель), Порфирьев М. А. (Енĕшкасси, информатика учителĕ), Прокопьева Е. Е. (Çавалçырма, акăлчан чĕлхи учителĕ), Сергеева А. А. (Ешкилт, воспитатель), Сергеева С. Ю. (Красноармейски, воспитатель), Сидорова О. Н. (Тусай, воспитатель), Хайбуллина А. А. (Кĕçĕн Шетмĕ, воспитатель).
Эпир пурте колледж пурнăçĕн ĕçне хастар хутшăнатпăр. Кунта вĕренме килнишĕн мухтанатпăр, чунтан савăнатпăр. Колледжра вĕренме кунран кун интереслĕ. Педагог профессине алла илес текенсене кунта килсе вĕренме сĕнетпĕр.