20 мая 2008 г.
Кĕçĕн Шетмĕри вăтам шкулта чăваш чĕлхипе литература эрни иртрĕ. Ăна И. Я. Яковлев çуралнăранпа 160 çул çитнине халалласа йĕркелерĕмĕр, унта вĕренекенсен творчествăлла ĕçĕсен куравĕ пулчĕ. 6—7 классем хушшинче “Тăван чĕлхем — сÿнми хĕлхем” темăпа иртнĕ викторинăра аслисем çĕнтерчĕç. И. Г. Афанасьева шкул библиотекинче И. Я. Яковлев пурнăçĕпе пултарулăхне çутатакан пысăк курав йĕркеленĕ. Чăваш юррин уявĕ те интереслĕ иртрĕ. Кĕçĕннисен хушшинче — виççĕмĕшсем, вăтаммисенчен улттăмĕшсем малти вырăна тухрĕç.
“Нарспи” поэмăна илемлĕ вулакансен конкурсĕнче Н. Леонтьев (8-мĕш кл.), В. Никитин (7 кл.), А. Павлова (6 кл.), А. Антонова (6 кл.), И. Хайбуллина (6 кл.), А. Андреев (5 кл.) пултарулăхпа палăрчĕç.