20 мая 2008 г.
ЧР ĕçпе тивĕçтерекен патшалăх служби административлă регламентпа килĕшÿллĕн ĕç шыранă çĕрте йывăрлăх тÿсекен ĕçсĕр граждансене вăхăтлăх ĕç тупса парас тĕлĕшпе патшалăх пулăшăвĕ парать. Ăна камсем илме пултараççĕ-ха? Çак йыша пуçламăш е вăтам профессиллĕ пĕлÿ илнĕ, пирвайхи хут ĕç шыракан 18—20 çулсенчи яш-кĕрĕм кĕрет.
Патшалăх пулăшăвĕ илме çакăн пек документсем кирлĕ: вăхăтлăх ĕçе вырнаçтарас тĕлĕшпе анкета-заявлени; паспорт е ăна улăштаракан ытти документ; вĕренни çинчен калакан документ.
Патшалăх пулăшăвĕн тĕп результачĕ вăл ĕçсĕр гражданин вăхăтлăх ĕç валли направлени илни пулса тăрать.
Енчен те каччăсемпе хĕрсем хăйсене юрăхлă вăхăтлăх ĕçе вырнаçма килĕшмесен ĕçпе тивĕçтерекен центр ăна вăхăтлăха пособи пама пăрахас пирки йышăну кăларма та пултарать.
18—20 çулсенчи яш-кĕрĕмĕн направлени илнĕ хыççăн виçĕ кун хушшинче ĕç паракан патне (работодатель) пымалла, ĕçпе тивĕçтерекен центрăн специалистне калаçу кăтартăвĕсем çинчен пĕлтермелле, ĕç паракан паллă тунă направление кăтартмалла.
Енчен те ĕçе вырнаçма май килмесен, юрăхлă ĕç шырасси малалла пырать. Ĕçсĕр çамрăк вăхăтлăх ĕçе вырнаçсан ăна регистраци учетĕнчен кăлараççĕ, гражданинпа ĕç паракан хушшинче вăхăтлăх ĕç килĕшĕвĕ тăваççĕ, ĕçе илнĕ пирки ĕç кĕнекине çырса хураççĕ.