АУ "Редакция Красноармейской райгазеты "Ял пурнасе" ОФИЦИАЛЬНЫЙ САЙТ
Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Аллă çул пĕрле

20 мая 2008 г.

 

Вĕсен пÿртĕнчен тухса çул урлă каçсан, тарăн çырма пулнă вырăнта пĕвесем. Çыранĕсенче, тÿрем вырăнсенче, тăвайккисенче çулленех ем-ешĕл курăк ешĕрет. Пĕвелени кăна унти шыва упраса хăварма май парать. Тавралла лартса тухнă йăмрасем çырмана ишĕлесрен хăтараççĕ. 50 çул каяллах, Нина Леонтьевнăпа Валерьян Александрович Александровсем пĕрлешнĕ кунсенче йывăçсем йышлăччĕ. Сисĕнмесĕрех çур ĕмĕр иртрĕ. Çулла вĕтĕл-вĕтĕл çулçăсем сас паратчĕç.

Нина Леонтьевна савăк хĕвелпе киленчĕ. Патвар-ха вăл. Тăрăхларах пичĕ — тахçанах пĕркеленнĕ ĕнтĕ. Хăмăр куçĕсем тĕксĕмленсен те, пурнăç хаваслăхĕ, сăн илемĕ юлман мар. Сĕм хура çÿçĕ кăвакарман та пулас. Тутăр хĕрринчен тухнă сĕвемре пăч-пăч шурă пĕрчĕсем курăнаççĕ. Пурнăçра темшĕн çапла, хăшĕ-пĕрин çамрăклах шуралса лараççĕ вĕсем.

Апла пулин те Нина Леонтьевнан хăй пурнăçĕнче ырă йĕр хăварни нумайрах, йышлăрах. Вăл вĕрентсе кăларнă шкул ачисем тахçанах пурнăç çулĕ çине тухнă.

Вăрçă çулĕсенчи тата ун хыççăнхи йывăрлăха тÿссе Трак салинче ачалăхĕ иртнĕ Н. Л. Александрован. Вăтам шкул та кунтах пĕтернĕ. Виçĕ çул хуçалăхра тĕрмешнĕ чухне те пулас ĕмĕчĕ канăç паман. Вăл вăхăтра вĕрентекен ырă та хисеплĕ ĕç шутланнă. Канашра педагогика училищин дипломне илсен çамрăк хĕр направленипе Алманч шкулне лекет. Туçи Чуракассинче Çыра ятлă хĕрарăм патĕнче (ялта çапла чĕннĕ ăна) хваттерте тепĕр юлташ хĕрпе пĕрле пурăнать.

Вăтăр çичĕ çул вĕрентÿ вучахне сÿнтермен Нина Леонтьевна. Кăçал ака уйăхĕнче аллă çул çитрĕ. Валерьян Александровичпа пĕрлешнĕренпе ылтăн туй пулса иртрĕ. Пилĕк çул хушши флотра хĕсметре пулнă хыççăн пулас мăшăрĕ ялта (хуçалăхри) электромонтерта тĕпленет, мĕн ватăличчен хăйĕн пурнăçне çак ĕçпе çыхăнтарать. Çемьери кашăк-чашăк шăкăртатмасăр пулман та пулĕ. Шÿтпе кăна ирттерсе яма тăрăшнă вĕсем. Йĕкĕр икĕ кăвакарчăн тейĕн мăшăр çине пăхсан.

 

Мой МирВКонтактеОдноклассники
  Реквизиты  
429620 с. Красноармейское ул. Ленина 22. Тел.: (83530) 2-11-53, 2-15-39, 2-24-45 red_krarm@cbx.ru

 

Система управления контентом
c. Красноармейское, ул. 30 лет Победы, каб. 14
Телефон: 2-22-53 -, 2-24-45 -, 2-11-53 -
TopList Сводная статистика портала Яндекс.Метрика