16 мая 2008 г.
СПИД... Ку сăмах пирĕншĕн çĕнĕ-лĕх мар ĕнтĕ. Апла пулин те ун пирки аса илтермеллех. Чăваш Республикинче ВИЧ чирне 1994 çулта пуçласа палăртнă. Хальлĕхе унпа 839 çын аптрани паллă. Трак ен тăрăхне те килсе çакланнă хăрушă чир. СПИДпа ытларах 15—29 çулсенчи çынсем чирлеççĕ.
Мĕнле сарăлать-ха вăл? Чире пуçараканĕ — вирус. Çакă сывмар çыннăн юнра, арçынпа хĕрарăмăн ар шĕвекĕсенче тата хĕрарăмăн кăкăр сĕтĕнче пурăнать. Питĕ йышлă ĕрчет.
СПИД çынна виçĕ майпа çакланать. Пĕрремĕшĕ — ар çыхăнăвĕ урлă. Акă, пирĕн республикăра 2007 çулта 85 çынна ВИЧ ернĕ. Çав шутра арçынсем — 35,9, хĕрарăмсем — 64,7 процент.
Иккĕмĕшĕ — юн урлă. Ку вăл наркомансемпе тата ÿт-тире татуировка тутаракансемпе çыхăннă. Пĕлтĕр республикăра çак майпа чир ертнĕ 21 çынна палăртнă.
Виççĕмĕш çул-йĕр. ВИЧпа аптракан хĕрарăм хăйĕн пепкине чирлеттерме пултарать. Чăваш Республикинче çапла майпа асапланакан 9 ача.
СПИД — хăрушă чир. Унран питĕ асăрханмалла, сыхланмалла. Мăшăрсен е пĕр-пĕрне юратакан çынсен харпăр хăйне чир-чĕр ернĕ вăрттăнлăха уççăн пĕлтермелле, пытармалла мар. Çакă хăвăртрах сывалма, сывлăха упрама май парать.