16 мая 2008 г.
Ун чысне Анна Васильевапа Дарья Тимофеева тата Сергей Ершовпа Евгений Емельянов ăнăçлă хÿтĕленĕ. Вĕсем çĕр-шывра çамрăк çул-йĕр отрячĕсене туса хунăранпа 35 çул тултарнине халалланă “ЮИД — это наше призвание” творчество конкурсĕнче çул-йĕр правилисене пĕлес енĕпе ыттисенчен лайăхрах кăтартусемпе палăрнă. Пĕтĕмпе 12,5 балл пухнă. Командăна Валерий Петрович Чаховский учитель хатĕрленĕ.
Иккĕмĕш вырăнта — мăншетмĕсем. Ертÿçи — Ю. И. Маринкин. Вĕсен те çавăн чухлĕ балл. Анчах хушма задачăсене иккĕмĕш шкул команди ăнăçлăрах шутланă тата унти çул-йĕр инспекторĕсем çулĕсемпе мăншетмĕсенчен кĕçĕнрех. Мăн Шетмĕри отряд “35 лет вместе с Госавтоинспекцией” ятлă альбомсене çав тери хитре хатĕрленĕ, автохулара велосипедпа ярăнас тĕлĕшпе те маттур пулнă.
Именкассисем — виççĕмĕш призерсем. Вĕсем велосипедпа фигурăсем туса ярăнас, пурнăç хăрушсăрлăхĕн никĕсĕсене пĕлес енĕпе палăрнă. Командăна Л. Г. Александров хатĕрленĕ.
Конкурсра палăрнисене дипломсемпе, хаклă парнесемпе чысланă.
Красноармейскинчи иккĕмĕш шкулти çамрăк çул-йĕр инспекторĕсен район чысне республикăри конкурсра хÿтĕлеме тивет. Вĕсене унта та ăнăçлă тупăшма ырлăх-сывлăх сунар.