16 мая 2008 г.
Чукун çул переезчĕсем çынсем массăллăн аманасси тата вилесси, пысăк тăкаксем патне илсе çитерекен çăл куç шутланаççĕ. Инкексен сăлтавĕ ялан тенĕ пекех, автомототранспорт хатĕрĕсен водителĕсем чукун çул переезчĕ урлă каçмалли правилăсене пăсни, çавăн пекех переездсене пăхса тăракан тата усă куракан организацисем вĕсене палăртнă нормăпа пăхса тăманни, усă курмалли йĕркене пăхăнманни пулса тăраççĕ.
2007 çулта Раççейри чукун çулпа куçса çÿрекен составпа автомототранспорт хатĕрĕсем хутшăннипе —230, Чăваш Ен территорийĕнче 2 çул-йĕр инкекĕ сиксе тухнă.
Чукун çулпа автоçул хĕресленнĕ вырăнта хăрушсăрлăх туса хурас тата йĕрке пултăр тесе Раççейре майăн 6-мĕшĕнчен пуçăнса июнĕн 6-мĕшĕччен “Асăрханăр, переезд” асăрхаттаруллă мероприяти ирттереççĕ. Юлташ-водительсем, чукун çул переезчĕ урлă каçмалли правилăсене çирĕп пăхăнса ĕçлер.