16 мая 2008 г.
Райадминистрацин вĕрентÿ пайĕн информаципе методика центрĕнче каникул кунĕсенче вĕренекенсен çуллахи ĕçне йĕркелес тĕлĕшпе вакансисен ярмарки иртрĕ. Асăннă мероприятие шкулсенчи вĕренекенсен çуллахи ĕç чĕрĕкне йĕркелекенсем пухăнчĕç. Пухăннисене пирĕн центр директорĕ И. Козлов районти ĕç рынокĕнчи лару-тăрупа паллаштарчĕ, çул çитменнисен ĕç бригадисене чи малтан тăлăхсене, ашшĕ-амăшĕн хÿттисĕр тăрса юлнисене, йĕркеллĕ мар, нумай тата тулли мар çемьесенчи ачасене, çул çитмен çамрăксен комиссийĕнче учетра тăракансене, ытти категорири вĕренекенсене — уйрăмах социаллă хÿтлĕх ыйтакансене явăçтарни çинчен каларĕ. Иван Михайлович çу кунĕсенче Аслă Отечественнăй вăрçăпа ĕç ветеранĕсене, тыл ĕçченĕсене, ватă çынсене киле пырса пулăшу кÿме сĕнчĕ. Асăннă мероприятисене 2008— 2010 çулсенчи Аслă Çĕнтерÿ тунăранпа 65 çул çитнине халалласа Раççейри çар мухтавĕн кунĕсен шучĕпе йĕркелемелле. Вакансисен ярмаркинче вăхăтлăх 115 ĕç вырăнĕ тупса панă, вĕсене пĕтĕмпех çул çитменнисем йышăннă. Çапла вара çу кунĕсем ĕçлĕ лару-тăрура иртĕç.