13 мая 2008 г.
Иккĕмĕш тĕнче вăрçинче нимĕç фашисчĕсене çĕнтернĕренпе 63 çул çитнине Янкасра та чыслăн паллă турĕç.
Майăн 8-мĕшĕнче кунти кану çурчĕ умĕнче вăрçăра пуçне хунă ентешсене асăнса лартнă палăк патĕнче савăнăçлă митинг пулса иртрĕ. Ăна Красноармейски ял тăрăхĕн пуçлăхĕ В. Шестаков уçрĕ, пухăннисене çак чаплă уяв ячĕпе саламласа ырă сунчĕ, Раççей тата Чăваш Президенчĕсем вăрçăпа тыл ветеранĕсем патне янă саламлă çырусене вуларĕ, ятарлă парнесемпе чысларĕ.
Митингра “Единая Россия” политика партийĕн районти организацийĕн ĕçтăвком ертÿçи З. Долгова, Янкасри ĕçпе вăрçă ветеранĕ Г. Кириллов, ял-йыш ячĕпе Н. Ершов салам сăмахĕсем каларĕç.
Янкасри пуçламăш шкулта вĕренекенсем хисеплĕ хуралта тăчĕç, вăрçă çинчен çырнă сăвăсене вуларĕç, палăк умне гирляндăпа чĕрĕ чечексем хучĕç, ветерансене уяв кĕрекине çитиччен ăсатса ячĕç.