АУ "Редакция Красноармейской райгазеты "Ял пурнасе" ОФИЦИАЛЬНЫЙ САЙТ
Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Аслă Çĕнтерĕве — 63 çул

13 мая 2008 г.

 

Пирĕн районтан 1941—1945 çулсенче пынă хаяр вăрçа 6030 çын хутшăннă. Çапăçусенче 2162-ĕн пуç хунă. 104 çемье килĕсене икĕ е унран та ытларах çынна кĕтсе илеймен. Сурансемпе чире пула тата 286 салтак вилнĕ. Вĕсен çутă сăнарĕ умĕнче эпир яланах пуç таятпăр, пире мирлĕ тÿпе парнеленĕшĕн тав тăватпăр.

Çу уйăхĕн 8-мĕшĕнче, акă, вĕсене сума суса Красноармейскинче çĕкленĕ палăк умĕнче митинг иртрĕ. Ăна район пуçлăхĕ, “Единая Россия” политика партийĕн Красноармейскинчи уйрăмĕн политканашĕн секретарĕ С. А. Николаев уçрĕ, пухăннисене, çав шутра вăрçă ветеранĕсене те, ăшшăн саламларĕ, вăрăм кун-çул, телей, савăнăç, ăнăçу сунчĕ. Ю. П. Герасимов, Е. В. Иванов тата П. П. Скворцов офицерсем палăк умне Çĕнтерÿ ялавне илсе пычĕç.

Раççей Гимнĕ янăранă хыççăн митингра Çĕрпÿ тата Красноармейски районĕсен çар комиссарĕ А. Л. Сидоров подполковник салам сăмахĕ каларĕ. Алексей Леонидович фронтра паттăррăн çапăçнă ветерансене, тылра çĕнтерĕве çывхартассишĕн ырми-канми вăй хунă ĕçченсене ыр сунчĕ, çамрăк ăрăва вĕсене хаклама, юратма тата пулăшма чĕнсе каларĕ, Раççей пограничникĕсен вăйне туса хунăранпа 90 çул çитнĕ май, пограничниксен пĕр ушкăнне юбилей медалĕсемпе чысларĕ.

Митингра çавăн пекех Красноармейскинчи ĕçпе вăрçă ветеранĕ М. П. Прохоров, тыл ĕçченĕ В. М. Михайлова, хамăр ентеш, Çĕнĕ Йĕкĕт ялĕнче çуралнă, М. В. Фрунзе ячĕллĕ Пĕтĕмĕшле çар академийĕн профессорĕ, Раççей Çар ăслăлăхĕсен академийĕн чăн членĕ В. Л. Архипов полковник, воин-интернационалистсен районти канашĕн председателĕ А. И. Терентьев сăмах каларĕç.

Унтан район пуçлăхĕ С. А. Николаев Ешкилтри А. А. Андреевпа Пăрăнтăкри В. И. Исаков ветерансене ВАЗ-2107 маркăллă автомашинăсен уççийĕсене пачĕ.

Çав вăхăталлах “Трак станцийĕ — Красноармейски” маршрутпа чупакансем (ентешсем фронта Трак станцийĕ урлă кайнă — В. Д.) çитрĕç.

Митингра пулнисем вăрçăра вилнисене асăнса пĕр минут шăп тăчĕç, салют пулчĕ, ĕç коллективĕсен представителĕсем палăк умне чечек кăшăлĕсем хучĕç.

* * *

Çĕнтерÿ кунĕнче, çу уйăхĕн 9-мĕшĕнче район администрацийĕнче ĕçлекенсемпе “Единая Россия” партин районти уйрăмĕн политканашĕн членĕсем политканаш секретарĕ, район пуçлăхĕ С. А. Николаев ертсе пынипе палăк умне чечексем хучĕç, çапăçусенче пуç хунисене асăнса пĕр минут шăп тăчĕç.

* * *

Ку евĕр митингсем районти мĕн пур ял тăрăхĕнче те иртрĕç.

 

Мой МирВКонтактеОдноклассники
  Реквизиты  
429620 с. Красноармейское ул. Ленина 22. Тел.: (83530) 2-11-53, 2-15-39, 2-24-45 red_krarm@cbx.ru

 

Система управления контентом
c. Красноармейское, ул. 30 лет Победы, каб. 14
Телефон: 2-22-53 -, 2-24-45 -, 2-11-53 -
TopList Сводная статистика портала Яндекс.Метрика