08 мая 2008 г.
Апрель вĕçĕнче Краснодар крайĕнчи Гулькевичи хулинче ирĕклĕ майпа кĕрешсе Раççейре мала тухассишĕн ăмăрту пулса иртнĕ. Унта Красноармейскинчи 2-мĕш шкулта вĕреннĕ, халĕ олимп резервĕсем хатĕрлекен Шупашкарти училищĕре пĕлÿ пухакан Оксана Дуйсембаева 34 килограмлă виçере пĕрремĕш вырăн йышăннă. Унăн пĕрремĕш наставникĕ — ЧР тава тивĕçлĕ тренерĕ Владимир Николаевич Григорьев, Оксана халĕ В. Н. Ананьев патĕнче ăсталăха туптать. Асăннă çитĕнÿпе О. Дуйсембаевана, унăн тренерĕсене В. Григорьевпа В. Ананьева саламлатпăр, çĕнĕ ÿсĕмсем тума ырлăх-сывлăх сунатпăр.
* * *
Ирĕклĕ майпа кĕрешсе мала тухассишĕн Самарăра иртнĕ ăмăртура Красноармейскинчи Владимир Матвеев (тренерĕ — Л. В. Павлов) 58 килограмлă виçере виççĕмĕш призер пулса тăнă.
* * *
Трак гимназийĕнче пĕлÿ пухакан Дмитрий Тимофеев (63 кг) ирĕклĕ майпа кĕрешсе Тĕнче кубокне тивĕçнĕ тата Европа чемпионĕн Минсаид Тазетдинов призĕсене тивĕçессишĕн Патăрьелте иртнĕ ăмăртура виççĕмĕш вырăн йышăннă. Унăн тренерĕ — Л. В. Павлов.