08 мая 2008 г.
Мартăн 1-мĕшĕнче кадастр çинчен федераллă çĕнĕ саккун вăя кĕчĕ.
Унпа килĕшÿллĕн саккун йышăнакан куçман мĕн пур обăектсен пĕрлĕхлĕ кадастрне туса хурать, кадастр инженерĕ ăнлав кĕртет тата ăна çĕр участокĕсемпе, çурт-йĕрсемпе, сооруженисемпе, пÿлĕмсемпе, вĕçленмен строительство обăекчĕсемпе кадастр ĕçне тума ирĕк парать.
Çурт-йĕрсемпе сооруженисене, вĕçленмен строительство обăекчĕсене шута илессине пĕчĕккĕн-пĕчĕккĕн алăран алла параççĕ. 2010 çулччен саккунпа куçу тапхăрĕ пăхнă: çурт-йĕрсемпе сооруженисене, вĕçленмен строительство обăекчĕсене шута илессине, сведенисем тăратассине техника учечĕпе техника инвентаризацийĕн аккредитациленĕ организацийĕсем туса пырĕç. Пирĕн республикăра вĕсем 27-ĕн: “Чуваштехинвентаризация” РПУПĕпе муниципаллă техника инвентаризацийĕн 26 бюровĕ.
Кадастрта куçман пурлăх обăекчĕсемпе административлă-территориллĕ чикĕсем çинчен çеç мар, территориллĕ зонăсемпе территорисене усă курмалли уйрăм зонăсем (санитарлă, хÿтлĕхлĕ, уйрăм экономикăлла тата ытти зонăсем) пирки те сведенисем пур. Конкретлă çĕр лаптăкĕн право режимне палăртма кирлĕ пĕтĕм информаци пур: çĕрпе усă курас тата ĕç тăвас тĕлĕшпе мĕнле чикĕсем пурри пирки те.
Саккун пĕрлĕхлĕ федераллă информаци тытăмĕ туса хума пăхать. Вăл патшалăхăн куçми пурлăх кадастрĕпе патшалăхăн пĕрлĕхлĕ реестр правине пĕрлештерет. Çак тытăма 2012 çулта туса хума пăхаççĕ.
Çĕнĕ саккунпа килĕшÿллĕн, çĕр лаптăкне чикĕленин планне, çĕр лаптăкне кадастр учетне илме ыйтса çырнă заявленипе пĕрле параççĕ, çакă документсем хатĕрлес вăхăта чакарать.
Çĕр лаптăкне кадастр учетне илме ыйтса çырнă заявленине çĕр прави пур кирек епле çын, çавăн пекех кадастр инженерĕ е унăн представителĕ пама пултарать. Кунта кадастр инженерĕ пулни те çĕнĕлĕх пулса тăрать.
2011 çулхи январĕн 1-мĕшĕччен куçу тапхăрĕнче çĕр лаптăкĕсене чикĕлес тĕлĕшпе тăвакан кадастр ĕçне кадастр инженерĕ çеç мар, 2008 çулхи мартăн 1-мĕшĕччен чикĕ палăртнă предприятисемпе уйрăм предпринимательсем те тума пултараççĕ.
Асăннă саккунăн 39-мĕш статйипе çĕр лаптăкĕсен чиккисем ăçта пулни пирки калаçса килĕшмелли йĕркене палăртнă. 2008 çулхи мартăн 1-мĕшĕччен çĕр чиккисем пирки калаçса татăлмаллине пĕлтерекен хутсене çынсем патне ку ĕçе тăвиччен пĕр эрне маларах çитернĕ пулсан, çĕнĕ саккун вăя кĕнĕ хыççăн 30 кун маларах пĕлтермелле е хаçатра пичетлесе кăлармалла.