05 мая 2008 г.
Кăçалхи нарăс уйăхĕн 26-мĕшĕнче районти халăх пултарулăхĕн çурчĕ çумĕнче йĕркеленнĕ ветерансен хорĕ хăйĕн 10 çулхи юбилейне паллă турĕ. Пысăк та илемлĕ концерт лартса пачĕ. Программа пуян: ĕлĕкхи юрăсенчен пуçласа паянхи таранах. Вăрçă теми те манăçа юлмасть, мĕншĕн тесен ăна асран кăларни халăха ним вырăнне хуманнипе танлашать-çке. Суранĕсем те çаплах сураççĕ юлнисен, ватă салтаксен. Ташăсем те чуна çĕклеççĕ концертра. Паллах, ĕлĕк пулнă вăйăсем майлăрах вĕсем.
Хор пĕчĕк мар, вăл 20 çынран та иртрĕ ĕнтĕ. Юрлама кăмăл тăвакансене ялан вăл тараватлă, хаваспах йышăнать.