05 мая 2008 г.
Тулли мар яваплă “Газпром трансгаз Анат Чулхула” пĕрлешÿ филиалĕнче — Заволжски ЛПУМГра тракторсемпе вĕсен прицепĕсен, хăй тĕллĕн куçса çÿрекен ытти машинăсен техника тĕрĕслевĕ иртрĕ. Кунта патшалăх технадзорĕн районти инспекцийĕ регистрациленĕ 35 тĕрлĕ транспорт хатĕрĕ пур. Вĕсенчен 13-шне лизингпа 2005—2007 çулсенче туяннă.
Филиалти механизаторсем хăйсене шанса панă тракторсемпе машинăсене черетлĕ техника тĕрĕслевне тĕплĕн хатĕрленĕ. Ахальтен мар ĕнтĕ вĕсем пĕрремĕш хутĕнчех патшалăхăн техника тĕ-рĕслевĕ витĕр тухрĕç. 15 механизатортан пурте тивĕçлĕ квалификаци илнĕ, медицина тĕрĕслевĕ витĕр тухнă, çул-йĕр хăрушсăрлăхĕпе ĕç сыхлавĕн программисемпе килĕшÿллĕн вĕреннĕ. Мĕн пур тракторсем çинче пушар сÿнтермелли хатĕрсем, медицина аптечки, авари ча-рăнăвĕн палли пур.