05 мая 2008 г.
Алимпиада Владимировна хăй çуралнă яла халĕ те чĕре çумĕнче упрать. Тусайпа çыхăннă-çке унăн ачалăхĕ. Кунти кашни урам, тăкăрлăк, Сурăм юхан шывĕ куç умĕнчех... Упи шкулĕ тата... Вăтам пĕлÿ илнĕ, илĕртÿллĕ пит-куçлă хĕр-упраç 1956 çулта И. Яковлев (халĕ университет) ячĕллĕ институтран вĕренсе тухнă. Пушкăрт Республикинче виçĕ çул вырăс чĕлхипе литература предмечĕсене вĕрентнĕ. 1960—1993 çулсенче хăйĕн пурнăç биографине А. Яковлева Именкасси вăтам шкулĕпе çыхăнтарнă. Çак йышра 17 çул — директорăн воспитани енĕпе ĕçлекен çумĕ. “Халăха вĕрентес ĕç отличникĕ” паллăпа, хаклă парнесемпе чысланă ăна. Юрлама, ташлама юратать. Ачасене те çак ăсталăха парать. Именкассинчи вăтам шкулта яланах кĕтнĕ хăна. Вăл çине тăнипех ялти тĕслĕх библиотека çумĕнче “Чĕререн” ветерансен клубне йĕркеленĕ.
Алимпиада Владимировна майăн 2-мĕшĕнче 75 çул тултарчĕ.