05 мая 2008 г.
Пушар хуралĕнче ĕçлекенсен кунне халалласа, “Вут-кăвар тата ачасем” тематикăпа районти ачасен ĕçĕсен конкурсĕ пулчĕ. Унта уйрăм 25 тата пĕрлешÿллĕ 3 ĕç тăратрĕç. “Коллективлă ĕç” номинацире 1—3-мĕш вырăнсене Упири вăтам шкулти 4-мĕш класс, кунти хупă йышши шкулти Руслан Сорокинпа Максим Никитин тата Именкасси шкулĕнчи 4-мĕш класс вĕренекенĕсем, “Уйрăм ĕç” номинацире 14 çулчченхисенчен Упи шкулĕнчи 3-мĕш класс вĕренекенĕ Сергей Васильев, Трак гимназийĕнчи 2 “а” класри Владимир Федоровпа Кирилл Николаев, Именкасси шкулĕнчи Анатолий Тимофеев (4 класс), Упири Екатерина Яковлева (4 класс) тата Анастасия Осипова (2 класс), 14—18 çулсенчисенчен Мăн Шетмĕри Анастасия Антонова (8 класс), Еншик Чуллăри Александр Евграфов (11 класс), Кĕçĕн Шетмĕри Екатерина Константинова (10 класс) йышăнчĕç, грамотăсемпе парнесене тивĕçрĕç.