29 апреля 2008 г.
Тĕнчере, çав шутра Раççейре те, наркотиксемпе çывăхланнă çамрăксен йышĕ ÿсет. Тĕпченĕ тăрăх, 2060 çул тĕлне каччăсемпе хĕрсен 80 проценчĕ наркотиксемпе усă курма пултарать. Ку, паллах, наци катастрофи патне илсе çитерес хăрушлăх пысăккине систерет. Чул хула хулинче ирттернĕ ыйтăм çакна кăтартса панă: 16—17 çулхи шкул ачисен 32 проценчĕ пĕр хутчен те пулин наркотик тутанса пăхнă. Чуна çÿçентерекен çак тĕслĕхсем наркомание хирĕç çивĕч кĕрешÿ пуçарма хушаççĕ. Кунта шкулăн, ашшĕ-амăшĕн, общественноçăн, пĕр шухăш-тĕллевлĕ ĕçлени кирлĕ.
Хисеплĕ ашшĕ-амăшĕ! Хăвăрăн ывăлăр е хĕрĕр пушă вăхăта еплерех ирттернине, мĕнле ушкăнпа туслашнине асăрхаса, сăнаса тăрăр, вĕсем йăнăш утăм тăвасран сыхланăр. Врач-нарколог сире пулăшма, кирлĕ канаш пама яланах хатĕр.