22 апреля 2008 г.
Район пуçлăхĕ С. А. Николаев кăçалхи çур куннехи-çуллахи тапхăрта районти ялсемпе экономика обăекчĕсенче пушар тухасран асăрхаттармалли мерăсем çинчен калакан йышăнăва алă пуснă. Унпа килĕшÿллĕн, ял тăрăхĕсен пуçлăхĕсемпе хуçалăхсен ертÿçисен халăх пурăнакан вырăнта тата предприяти-организацисенче вут-кăвартан сыхланмалли правилăсене вĕрентессине йĕркелемелле, пушар сÿнтермелли инвентарьпе, шывпа тата телефон çыхăнăвĕпе тивĕçтермелле, яваплă çынсене явăçтарса тĕрĕслевсем ирттермелле, ялсенче каçсерен хурал тăратмалла, типĕ курăк çунтарассине чарса лартмалла тата ытти мерăсем йышăнмалла.
Район пуçлăхĕн тепĕр хушăвĕпе вара апрелĕн 10-мĕшĕнчен тытăнса апрелĕн 30-мĕшĕччен район территорийĕнче вут-кăвара пула чрезвычайлă лару-тăру тухса тăрасран уйрăм йĕрке туса хума йышăннă.