Публикации » Тав çырăвне тивĕçнĕ

22 апреля 2008 г.

Ял хуçалăхне тивĕçтерекен “Красноармейск-Согласие” потребитель кредит кооперативĕ (правлени председателĕ А. А. Степанов), “АПК аталанăвĕ” приоритетлă наци проектне пурнăçласа, иртнĕ çул япăх мар кăтартусемпе палăрнине çак кооперативăн çулталăкри пĕрлехи пухăвĕнче тĕслĕхсемпех çирĕплетсе панăччĕ. Акă, пĕлтĕр тивĕçтернĕ займсен хисепĕ 2 хут ÿснĕ, вĕсен калăпăшĕ те чылай пысăкланнă. Çак кунсенче вара ырă тепĕр хыпар пĕлтĕмĕр: ку евĕр кооперативсем хушшинче 2007 çулта яллă вырăнта финанс çăмăллăхĕсем парассипе лайăх кăтартусемпе палăрнăшăн пысăках мар кооператив коллективне Чăваш Енри “Согласие” ЯПККн Тав çырăвĕпе чысланă, ăна правлени председателĕ М. И. Федотов алă пуснă. Саламлатпăр.