22 апреля 2008 г.
Заволжски ЛПУМГăн спорт комплексĕнче вырăнти хăй тытăмлăх органĕсен Спартакиади шучĕпе волейболла, сĕтел çи теннисла, шашкăпа шахматла выляс енĕпе зонăри ăмăртусем пулчĕç. Вĕсенче Элĕкпе Хĕрлĕ Чутай, Муркашпа Етĕрне тата Красноармейски район администрацийĕсен командисем вăй виçрĕç.
Ăмăрту пуçламăшĕнче унта хутшăннисене ЧР физкультурăпа спорт тата туризм министрĕн çумĕ А. Н. Яковлев, Красноармейски район пуçлăхĕ С. Николаев саламларĕç. Сăмах май, Станислав Андреевич волейболла 4 вăйăран 3-шĕнче вылярĕ.
Спартакиадăн финалти пайне волейбол енĕпе — Муркашпа Красноармейски, сĕтел çи тенниспа — Элĕкпе Красноармейски, шашкăпа шахматла выляссипе Красноармейскипе Хĕрлĕ Чутай командисем тухрĕç.