15 апреля 2008 г.
Ял тăрăхĕсен пуçлăхĕсемпе тата специалисчĕсемпе АИС САО программа комплексĕпе усă курас тата ял тăрăхĕсен сайчĕсемпе ĕçлессине çĕнетсе лайăхлатас ыйтусемпе семинар-канашлу ирттернĕ. Район администрацийĕн информатизаци секторĕн заведующийĕ В. Никифоров вĕсен умĕнче АИС САО программа комплексĕн даннăйĕсен базине çĕнетес, тултарса пырас, упрас тата ял тăрăхĕсенче информаципе коммуникаци оборудованийĕсемпе усă курас çĕрти проблемăсене татса парас ыйтусем çинче чарăнса тăнă. Ку секторăн ертсе пыракан специалисчĕ А. Капрова ял тăрăхĕсен сайчĕсен кăçалхи I кварталти рейтингĕпе паллаштарнă, апрелĕн 20-мĕшĕччен пĕтермелли çитменлĕхсене кăтартса хăварнă. Çак ыйтусемпех вырăнти хăй тытăмлăх органĕсемпе ĕçлекен секторăн ертсе пыракан специалисчĕ Ю. Герасимов тата йĕркелÿпе тĕрĕслев ĕçĕн управленийĕн начальникĕ В. Иванов хăйсен сĕнĕвĕсене панă.
Юлашкинчен информатизаци секторĕн ертсе пыракан специалисчĕ И. Ананьева ял тăрăхĕсенчи сайтсемшĕн яваплă специалистсемпе вĕренÿ йĕркеленĕ.