10 июня 2021 г.
Район администрацийĕн пуçлăхĕ Александр Кузнецов Трак енри Игорь Дмитриев тата Дмитрий Николаев предпринимательсемпе тĕл пулнă, производствăна аталантарас ыйтусене сÿтсе явнă.
Паян «Автошвейпред» предприяти /И. Дмитриев/ курткăсем, костюмсем, хĕллехи тата çуллахи курткăсем, канăва, сунара тата пулла çÿремелли тумтирсем çĕлет. Хатĕр продукцие Раççейĕн тĕрлĕ кĕтесне — Санкт-Петербурга, Ижевска, Кирова, Пермь крайне, Саратовпа Тюмень облаçĕсене, Удмурт, Тутар, Пушкăрт, Мари республикисене — ăсатаççĕ.
«Десла-АСТ» тата «Скороход» пĕрлĕхсенче тĕрлĕ ÿсĕмри çынсем валли 80 ытла продукци кăлараççĕ: арçынсем, хĕрарăмсем тата ачасем валли атăсем, калушсем, дутиксем, бахила, пулăçă аттисем, термоссем, пулла тата сунара çÿремелли тумтир, атă-пушмак… Предприятин продукцине Новосибирск, Самара, Пенза, Чулхула, Мускав, Челябинск облаçĕсем, Удмурт, Тутар республикисем, Пермь крайĕ, ют çĕршывсем хаваспах туянаççĕ.