10 июня 2021 г.
Çĕртме уйăхĕн 9-мĕшĕнче Раççейре совет çарĕсен Германири ушкăнĕсен кунне /ГСВГ/ уявланă.
1945 çулта çак кун оккупациленĕ совет çарĕсен Германири ушкăнĕ /ГСОВГ/ йĕркеленнĕ, 1954 çулта совет çарĕсен Германири ушкăнне /ГСВГ/ туса хунă. 1989 çултанпа вара вăл Çарсен хĕвеланăçĕнчи ушкăнĕ /ЗГВ/ ятпа çÿренĕ.
Германи çĕрĕнче çар тивĕçĕсене пурнăçланисем виçĕм çул Красноармейскинче стела уçнă. Ĕнер унта çак паллă пулăма уявлама унчченхи салтаксен пĕр ушкăнĕ пухăннă. Вĕсене район администрацийĕн пуçлăхĕ Александр Кузнецов саламланă, сывлăхпа ăнăçу суннă.