10 июня 2021 г.
Упи вăтам шкулĕнче районти шкулсен çумĕнчи лагерьсенче канакансем Чăваш Енри шкул ачисен ХVI Спартакиадин иккĕмĕш тапхăрĕнче тупăшнă. Унта 8 команда вăй виçнĕ.
Программăна çăмăл атлетсен эстафети, пионербол, мини-футбол, вĕрен туртасси тата шашка спорчĕ кĕнĕ.
Эстафетăра малти виçĕ вырăна Алманчсем, Траксем тата Чатукассисем йышăннă. Пионерболла выляса Алманчсем, Карайсем, Чатукассисем палăрнă. Мини-футбол вăййинче малти вырăнсене Красноармейскисем, Алманчсем, Уписем пайланă. Вĕрен туртассипе Красноармейскисене, Алманчсене тата Чатукассисене çитекенни пулман. Шашка ăмăртăвĕнче Чатукассисем, Красноармейскисемпе Уписем парнесене тивĕçнĕ.
Пĕтĕмĕшле кăтартусемпе ăмăртусенче Алманчсем çĕнтернĕ. Иккĕмĕшпе виççĕмĕш вырăнсенче — Красноармейскисемпе Чатукассисем.
Сергей ПЕТРОВ.