03 июня 2021 г.
Яш-кĕрĕмпе хĕр-упраçа физкультурăна юратма вĕрентесси, пысăк спорт патне ăнтăлма хавхалантарасси вăйă лапамĕнчен пуçланать.
Трак енре юлашки вăхăтра çамрăксен канăвне усăллă ирттерме пулăшас тĕлĕшпе ырă улшăну чылай пулчĕ. Тĕслĕхрен, футбол тата баскетбол уйĕсем уçăлчĕç. Трак вăтам шкулĕнче вĕренекен Олеся Федорова район администрацийĕн пуçлăхĕпе Александр Кузнецовпа тĕл пулнă май, райцентрта скейтпарк тăвас ыйтăва çĕкленĕ. Нумаях пулмасть вăл «Скейтпарк — это вклад в будущее моей малой Родины» проект хÿтĕленĕ. Александр Николаевич ку сĕнĕве ырланă. «Эпир скейтпарк тăватпăрах», — тенĕ вăл.