03 июня 2021 г.
Район администрацийĕн пуçлăхĕ Александр Кузнецов тата И.Н. Ульянов ячĕллĕ Чăваш патшалăх университечĕн хушма математика, физика тата информаци технологийĕсен факультечĕн деканĕ Александр Иваницкий профессор шкултан кăçал вĕренсе тухакансен пĕр ушкăнĕпе тĕл пулнă. Тĕл пулăва ЧПУна вĕренме кĕрес текенсем, халĕ физикăпа тата информатикăпа экзамен паракансем килнĕ.
А. Иваницкий аслă шкула вĕренме кĕмелли балл, кунти специальноçсем пирки тĕплĕн каласа кăтартнă. Александр Николаевич вĕсене экзаменсене ăнăçлă тытма ыр суннă. Вун пĕрмĕшсем И.Н. Ульянов ячĕллĕ ЧПУпа тата факультетпа паллаштаракан буклетсем илнĕ.
Сергей ПЕТРОВ.