03 июня 2021 г.
Трак енри вулавăш ĕçченĕсем районти культура çуртĕнче професси кунне паллă тунă.
Библиотекăсенче тăрăшакансене район администарцийĕн пуçлăхĕ Александр Кузнецов саламланă, вулакансен вун-вун ыйтăвне тивĕçтернĕшĕн тав тунă, палăртнă тĕллевсене пурнăçлама ăнăçу суннă. «Малашне те ырă та пархатарлă шухăшсем çуралччăр, кăсăклă пултарулăх проекчĕсем пулччăр», — тенĕ вăл. Чыслă ĕçшĕн Ольга Долгова /Алманч/, Алина Сергеева /Кĕçĕн Шетмĕ/, Любовь Егорова /Шывпуç/, Людмила Егорова /Упи/ район администрацийĕн Хисеп хутне тивĕçнĕ.
Вулавăш ĕçченĕсене çавăн пекех ЧР Патшалăх Канашĕн депутачĕсем Николай Угасловпа Александр Федотов саламланă.