27 мая 2021 г.
Районта çамрăк армеецсен юхăмĕн «Зарницăпа» «Орленок» вăййисем вĕçленчĕç. Кăшăл вирусĕ анлăн сарăлнăран вĕсене иртнĕ çул йĕркелесе ирттерме май килменччĕ.
Кăçал тата районти шкулсенчи вуннăмĕш классенче вĕренекен 28 каччă пилĕк кунлăх сборсенче пулчĕç. Çак тапхăрта вĕсем Раççей Федерацийĕн Хĕç-пăшаллă Вăйĕсенче тăракан салтак пăттине туллин тутанса пăхрĕç. Пĕр кун вĕсене ятарласа Шупашкарти ДОСААФ организацийĕн пăшалтан пемелли тирне илсе кайрăмăр. Яшсем алла чăн-чăн автомат тытса, 5 хутчен персе курчĕç.
Эпĕ районти шкулсенчи «Пурнăç хăрушсăрлăхĕсен никĕсĕсем» предмета вĕрентекенсен тата шкулсенчи çамрăк армеецсен юхăмĕн «Зарницйăпа» «Орленок» вăййисен ертÿçисен ячĕпе район ертÿлĕхне вăйăсене тата сборсене тулли шайра ирттерме пулăшнăшăн район хаçачĕ урлă тав сăмахĕ калатăп.
Михаил Голубев,
районти яшсен вĕренÿ сборĕсен начальникĕ.