27 мая 2021 г.
Чăваш Енри Агропромышленность комплексĕн ветеранĕсен канашĕн председателĕ Александр Самылкин, унăн çумĕ Василий Шадриков, ял хуçалăх производствин ветеранĕсем Иван Козинпа Николай Сергеев Красноармейски районĕнче пулнă.
Ял хуçалăх ĕçĕн ветеранĕсене район администрацийĕн пуçлăхĕ Александр Кузнецов йышăннă, Трак çĕрĕпе паллаштарнă, унăн çыннисем, ĕçĕ-хĕлĕ пирки каласа кăтартнă. Делегаци ЧР Сывлăх сыхлав министерствин «Васкавлă медицина пулăшăвĕ больници» БУн «Красноармейски районĕн тĕп больници» филиалне, районти ачасемпе çамрăксен спорт шкулне, унăн футбол уйне, «КЕТРА» завода, «Красное Сормово» пĕрлĕхе çитсе курнă. Ĕçлĕ çул çÿревĕн тĕп тĕллевĕ — ЧР АПК ветеранĕсен канашĕн правленийĕн ларăвне ирттерме хатĕрленесси.