20 мая 2021 г.
Федерацин таможня службин кăтартăвĕсемпе кăçалхи пĕрремĕш кварталта Чăваш Енри Агропромышленность комплексĕн продукцийĕн экспорчĕ АПШн 8 млн долларĕпе танлашнă. Ку вăл, пĕлтĕрхи çак тапхăртипе танлаштарсан, 33,3 процент нумайрах. Чикĕ леш енне тĕш тырă, аш-какайпа сĕт-çу, апат-çимĕç тата тирпейлекен промышленность продукцине ытларах ăсатнă.
; ; ;
Чăваш Ен кăçалхи ака уйăхĕнче «Регионсен инвестици активлăхĕ» рейтингра чи пысăк кăтартупа палăрнă. Республика 56-мĕш вырăнтан 15-не куçнă.
; ; ;
Раççей Президенчĕ Владимир Путин «Пĕрлĕхлĕ Раççей» политика партийĕ 2021 çулта яла аталантарма 6 млрд тенкĕ уйăрма сĕннине ырланă. Ку укçа-тенкĕ территорисене тирпей-илем кĕртме, çĕнĕ инфратытăм об±екчĕсене хута яма тата ял ипотеки валли каять.
; ; ;
Чăваш Енри аграрисем çăмăллăхлă кредит механизмĕпе /çулталăкри ставкăн 1-5 проценчĕ/ туллин усă кураççĕ. Кăçалхи çу уйăхĕн 13-мĕшĕ тĕлне РФ Ял хуçалăх министерстви 141 заявкăна /1379, 3 млн тенкĕлĕх/ ырланă.