13 мая 2021 г.
2021 çула кĕрсен çĕршывра кăшăл вирусĕн инфекцийĕнчен хÿтĕлеме прививка тăвасси анлăн сарăлчĕ.
Çак кунсенче вакцинаци ĕçне Пикшикри фельдшерпа акушер пунктĕнче те йĕркелерĕç. «Çынсем палăртнă вăхăтра йышлăн пухăнчĕç, черет тăрсах прививка тутарчĕç. Пурте кăмăллă юлтăмăр», — каласа пачĕ ФАП заведующийĕ Роза Сергеева. Зоя Семенова терапевт тухтăр прививка тăвиччен пурин сывлăхне те тĕплĕ тĕрĕслерĕ, юн пусăмне, ÿт температурине виçрĕ. Çав кун 35 çын «Гам-Ковид-Вакпа» прививка тутарчĕ. Вĕсен хушшинче 79 çул тултарнă Галина Степанова, 74-ри Вячеслав Иванов та пулчĕç.
Раççейре туса кăларнă вакцинăпа ытти патшалăх та анлă усă курать пулсан, манăн шухăшпа, прививкăна кашнинех тутармалла. Л. СОЛОВЬЕВ.