13 мая 2021 г.
Ака уйăхĕнче Трак енри ял тăрăхĕсене пĕрлештерсе çĕнĕ пĕрлешÿ туса хурас, вĕсен муниципаллă округ статусне çирĕплетсе «Чăваш Республикинчи Красноармейски муниципаллă округĕ» ят парас, Красноармейски ялне административлă центр тăвас ыйтусемпе районта уçă калаçусем иртнĕччĕ.
Çу уйăхĕн 12-мĕшĕнче ку ыйтусене депутатсем Чăваш Республикин Патшалăх Канашĕн Патшалăх строительстви, вырăнти хăй тытăмлăх, Регламент тата депутат этикин комитечĕн видео çыхăну мелĕпе иртнĕ ларăвĕнче тишкернĕ. Канашлăва Красноармейски районĕн пуçлăхĕ — район депутачĕсен Пухăвĕн председателĕ Валерий Петров тата администраци ертÿçи Александр Кузнецов та хутшăннă. Тĕп ыйтупа Валерий Петров тухса калаçнă. Комитет саккун проектне çирĕплетме йышăннă.
Георгий БОРЗИН.