29 апреля 2021 г.
Совет Союзĕн Геройĕ Владимир Васильев ячĕллĕ Мăн Шетмĕри пĕтĕмĕшле пĕлÿ паракан вăтам шкулта «Твой выбор» ятпа оперативлă профилактика мероприятине йĕркеленĕ.
Вĕренекенсем патĕнче хăнара РФ Шалти ĕçсен министерствин муниципалитетсем хушшинчи «Цивильский» пайĕн районти уйрăмĕн полици капитанĕ, шкул çулне çитменнисемпе ĕçлекен пай инспекторĕ Марина Татмина пулнă. Вăл «Преступлени тата çул çитмен ача» темăпа калаçу йĕркеленĕ, кăçалхи пĕрремĕш кварталта Трак енри шкулсенче вĕренекенсем право йĕркине пăснă тĕслĕхсем çинчен каласа кăтартнă, саккунсăр акцисене, митингсене хутшăнма юраманни çинчен асăрхаттарнă.