22 апреля 2021 г.
Кĕçĕн Шетмĕри вулавăш конкурса хутшăнса кĕнекесен куравне йĕркелерĕ. Экспозицире — 2018-2019 çулсенче пичетленнĕ, вулакансен хушшинче ырă ят çĕнсе илнĕ вырăсла тата чăвашла кăларăмсем.
Вулавăшра вулакансемпе çĕнĕ кĕнекесен тишкерĕвне тăтăшах ирттереççĕ. Ял çыннисем Владимир Кузьминăн «Тымар», Василий Эктелĕн «Хурăн çырли уçланки», Улькка Элменĕн «Упраймарăм сана» /3 кĕнеке/, Ангелина Павловскаян «Караслă пыл», ытти кĕнекесене ытларах килĕштереççĕ. Ангелина Павловскаян «Караслă пылĕ» ку тăрăхра чи нумай вулакан кĕнеке пулса тăчĕ. Алина Сергеева библиотекарь вулавăша пухăннисене çыравçăн кун-çулĕпе паллаштарчĕ. Тĕл пулура кашни вулаканах хăйĕн шухăшне пĕлтерчĕ.