22 апреля 2021 г.
Вăрнарта бокс енĕпе район администрацийĕн пуçлăхĕн Андрей Тихоновăн парнисене çĕнсе илессишĕн уçă ăмăртусем иртнĕ. Ăна Сăр тата Хусан хÿтĕлев чиккисене тума хутшăннисен ĕç паттăрлăхĕн çулталăкне халалланă.
Икĕ куна пынă тупăшусенче Трак ен спортсменĕсем япăх мар кăтартусемпе палăрнă. Вениамин Михеев пĕрремĕш вырăна тухнă. Павел Соколовпа Константин Ельмаков — иккĕмĕш, Роман Романовпа Александр Никифоров виççĕмĕш пулнă. Вĕсене парнесемпе, медальсемпе тата Дипломсемпе чысланă.
К. Алексеев тренер-преподавательпе иксĕмĕр ăмăртăва йĕркелесе ирттерме пулăшнăшăн Андрей Владимирович аллинчен Тав çырăвĕсене тивĕçрĕмĕр.
Андрей ТИМОФЕЕВ,
тренер-преподаватель.