22 апреля 2021 г.
Профориентаци ĕçĕн планĕпе килĕшÿллĕн Вăрнарти ял хуçалăх техникумĕн преподавателĕсем Мăн Шетмĕри Совет Союзĕн Геройĕ Владимир Васильев ячĕллĕ вăтам шкулта хăнара пулнă.
Вĕрентÿ учрежденийĕн «Аш продукчĕсен технологийĕ» специальность преподавателĕ Л. Иванова техникума вĕренме кĕмелли йĕрке, студент пурнăçĕ, пулас профессисем çинчен каласа кăтартнă. Производство вĕрентĕвĕн маçтăрĕ Юрий Павлов ял хуçалăхĕ строительство производстви валли ыйтакан профессисемпе паллаштарнă, яш-кĕрĕме тăван республикăра юлма, хăйсен паха ĕçĕпе тăван тăрăх аталанăвне ырă витĕм кÿме сĕннĕ. П. ИВАНОВА.